کۆمەڵی ئیسلامی ئەحمەدی

ئێمە موسوڵمانین، باوەڕمان بە خوای تاك وتەنها هەیە، ئیسلام ئایینمانە، موحەممەد (درودی خوای لەسەر بێت) پێغەمبەرمانە، قورئان كتێبمانە ودەستوری ژیانمانە، باوەڕمان بە بنەماكانی ئیسلام وباوەڕ هەیە.

خاڵی جیاوازمان هەیە لەگەڵ تێگەیشتنی باوی ناو موسوڵمانان لەوانە:

پێغەمبەر مەسیح (علیه السلام) مردووە هەروەكو هەموو پێغەمبەرانی پێش ئەو مردوون، وە مەسیح (علیه السلام) بەرزنەبووەتەوە بۆ ئاسمان وهەرگیز لە ئاسمانیشەوە دانابەزێت، ئێمە ئێستا لە كۆتای زەمانداین وخوای گەورە مەسیحی چاوەڕوانكراوی ئوممەتی موحەممەدی بۆ ناردووین كە ئەویش میرزا غوڵام ئەحمەدە (علیه السلام).

بەڕێزیان لە ساڵی 1889ز بە فەرمانی خوا ئەم كۆمەڵەی دامەزراند وبەیعەتی لە موسوڵمانان وەرگرت، وە ڕایگەیاند بەڕێزیان مەسیحی مەوعود وئیمامی مەهدییە، لە پاش وەفاتی بەڕێزیان جارێكی تر خیلافەتی ئیسلامی گەڕاندەوە بۆ موسوڵمانان كە پێشتر هەموو پارچە پارچە بوو بوون، لە ساڵی 1908ز یەكەم خەلیفە بەناوی "حاجی نورەدین قوڕەشی" (خوا لێی ڕازی بێت) بوو بە یەكەم خەلیفە وبەم شێوەیە ئەم نیعمەتە خواییە بەردەوامە هەتا ئەمڕۆ، ئێمە ئێستا لە سەردەمی خەلیفەی پێنجەمداین (خوا سەركەوتوی بكات).